(PI Devi Dayal B.A B.T
Sant Nagar, Lahore
دیوی دیال صاحب دیانند اینگلو ویدک کالج لاہور میں ریاضی کے استاد تھے۔ انہوں نے کچھ نصابی کتب بھی تحریر کی تھیں۔ جناب سیاست میں بھی دلچسپی رکھتے تھے۔ لالہ لاجپت رائے نے اپنی آپ بیتی میں ان کا تذکرہ کیا ہے۔ نیز امر ناتھ بھلی کے بقول دیوی دیال صاحب کے مسلم سیاسی قائدین کے ساتھ بھی اچھے مراسم تھے۔ انہوں نے چودھری شہاب الدین ورک کو لاہور میونسپل کمیٹی کا رکن بنانے میں کلیدی کردار ادا کیا تھا۔ ١٩٣١ء میں جب لالہ ہنس راج نے دیانند اینگلو کالج سے استعفیٰ دے کر سماجی کاموں کی جانب اپنی توجہ کر لی تو ان کے جانشین کے طور پر کچھ لوگوں نے دیوی دیال صاحب کا نام بھی تجویز کیا تھا۔ البتہ ان کی بجائے بخشی رام رتن کا انتخاب بطور پرنسپل کیا گیا تھا۔ باجود تلاش بسیار کے راقم کو دیوی دیال صاحب کے مزید کوائف و ان کا سن وفات
معلوم نہیں ہو
سکا۔)
No comments:
Post a Comment